Posts Tagged ‘ The Other Truth 真相 ’

馬面

我唔知你,我真係好唔ok馬國明呢個失敗慘樣;無論佢個角色有幾奸、有幾狠,佢都可以整個咁嘅樣出來,我真係接受唔到。上次《女拳》明明狼死惡住岳華,俾人用槍指住又即刻狗樣。即係呢,唔係話奸人唔會有以輸家相貌面對危機嘅時候,但係為咗角色同情節更可信、更一致,佢可唔可以唔好咁似俾成龍打敗嗰啲輸咗就要出洋相嘅鬼佬茄哩啡?《保持通話》劉燁就算俾古天樂威脅成點,驚極都唔會做個咁嘅反應啦。上圖呢幕,馬可以用狡猾而堅定嘅神情向陳展鵬挑釁,轉個頭即場因唐詩詠那邊愛情不得志而三角眼大鼻孔擘大個口得個窿?都唔知係劇情整古定係佢做唔到。《同撈同煲》仲諗住佢幾得意、幾新鮮,原來佢之後點都撇唔甩個傻仔樣,唔該唔好再扮極度有勇有謀有吸引力嘅人,好難頂;同埋係時候轉下髮型喇。

男人面皮變薄時

都唔知係邊個有咗,似係個女搞大咗阿爸個肚多啲


都唔知係老婆有外遇定係自己俾人強姦


除咗睇起來有啲不對軌,心理上男人有呢啲感覺或算正常,只係我想攞來開個玩笑,既然佢地咁都演咗我都唔係要批評啲咩,不過呢啲表現方法睇怕係真怪而唔係假尷尬,相信導演無心顛倒性別只係唔覺意形造曖昧。

剛剛看過林奕華的《紅娘的異想世界之在西廂》,那卻真是有意識的建構男女論述,當中一主線講女主角如何把心愛的男人嫁入豪門,以及假設一般發生在嫁入豪門之不幸女子的種種(生孩子、被逐出門、不能與骨肉相見…)發生於身上,角色還有男相媽媽,都是在男女權力、金錢權力等問題作有意思的掉配並有所表達,而不是唔小心著錯衫發錯姣。

For the record: HOMOSEXUAL AS BAD PERSON AGAIN

A-FUCKING-GAIN

A-FUCKING-GAIN

A-FUCKING-GAIN

同志在TVB有一個崗位:做壞人