Posts Tagged ‘ Michael Tse Tin Wah 謝天華 ’

女女女

《法網狙擊》強姦戲份的宣傳媒體討論反映社會的性觀念問題嚴重,事實除了該段情節,劇集一直強姦女性整體形像﹑身份和權利。

tvb pregnant

何謂「大肚婆都啱」?響電視劇一貫「寧教人打仔」情況下,第一反應竟然唔係人家是有夫之婦,而係「重口味」?言語粗俗走唔甩,仲有對一位媽媽嘅尊重何在?人地係隨便俾你「啱」或「唔啱」﹑「任你上」貨品?你話哎呀人地只不過係討論清純地「看上了」婦人正如咱們可以「看上」鄰家哥兒,無意冒犯,好丫我地就睇埋落去。

tvb makes women look bad

往往以酒後「不小心」與樣貌不太漂亮的女人(或在某劇與變性人)發生性關係作「笑點」,笑的是誰?更賤格係貶低女性嘅說話要女角講返,楊怡要叫呢位女士做「豬扒」,繼續物化女性。所以眾多男人自瀆戲當道下,《天與地》一幕「靚仔友」(佘詩曼仲酒後唔小心同咗其中一個上床添)真係對比強烈,大快人心。

tvb women understand

對唔住,唔想明你啲歪理

tvb slutshaming

莫講係屈,即使楊怡真係有外遇,呢種女就「出牆淫婦」﹑男就「作戲君子」嘅價値觀,係鐵一般slut-shaming,仲要講到理直氣壯。

tvb male twisted logic

你講緊自己呀,天華哥?(唔好意思,太無留意啲角色叫咩名,用藝員名投入啲)

slut moral of men

tvb drink

恐怖嘅事再來,要女演員陳敏之講出接近強姦佈局嘅對白:「飲high啲易辦事」;唔好話「講下笑」﹑「太認真」,強姦案主要成因之一就係由細到大都無人教呢啲事,你咪以為強姦犯一定係偷襲少女嘅變態佬,即使夫妻情侶間都可以發生,甚至經常發生。Don’t Be That Guy廣告系列出咗之後當地嘅強姦罪案率跌咗一成,你話係咪要教。

dont-be-like-that1

「喝醉了易辦事」???無綫打開電視教人乘人之危

dont-be-like-that2

幫你咪幫,洗唔洗人地以身相許,幫人幫到上時鐘酒店拍古裝三級片

tvb man raped

當不幸事情發生響男人身上又如何呢?基本上比女性被強姦嚴重,因為男人高人一等,死都唔可以俾人知,父權尊嚴大過天。再講,肛交響電視出現嘅形式就只有雞姦,難怪無咩常識嘅人會對肛交有負面誤解。

電視係一個強化歧視﹑鞏固父權嘅 偉 呀 哥 。


另見:消失的性別歧視

廣告

再chok多次

太耐無post,擺返啲舊嘢先。

 

我上幾個星期俾多次機會《變身男女Chok Chok Chok》再捱睇多次,嗰次多得台灣參加者,男扮女係像真咗,但個節目都真係好唔掂。(上一回:《變身男女Chok Chok Chok》易成咁有咩好估

 

娥姐講得好

 

今次講下觀眾同名星參賽者。咩事啫,下下問人有關身體生理或護理問題(去廁所呀、體毛呀、月經呀…),無錯,唔係嗰個性別或者答唔到,不過都有可能特登答錯引導你,既然真真假假是非難辨,星星們何不問多啲種類嘅問題俾返多少層次,唔好局限響幼稚(智)園至小學生初初學分男女要問嘅問題;既然節目由stereotypical男女開始,我地就由stereotypical男女著手,男女除咗用廁所同剝光豬時有分別,衣食住行品味言行態度總有分別掛,點解次次都仲係要問人地個胸啲腳毛同心口有幾粒痣?平時食咩嘢呀、睇咩書咩電影呀、有咩嗜好呀,點都有啲蛛絲馬跡掛;再進一步,即使stereotypical,stereotypical極都唔只一種stereotype掛,做咩成日assume女仔一定化妝、一定搽指甲油,係咁問一啲你地名星model每日嘅扮靚程序,好簡單問下佢地平時鍾意著邊類形衫、咩髮型、幾時點樣打扮一般打扮用幾耐又如何?而家淨係要估出biological sex,又係遊戲,大家膚膚淺淺無問題,唔需要有咩深度做咩深層心理分析(需要你都做唔到㗎啦),但係膚淺嘅問題都可以千變萬化,為何問極得幾幅被?

 

阿生,呢個世界唔係得周秀娜係女人

 

除咗問題質素欠佳,嘉賓同觀眾發問同俾評語未必顧及對方感受,以人地醜樣做唔係女人嘅理由,有無諗過你估錯嘅話對佢嘅打擊?雖然我鍾意Chilam,但係做咩知道人地係女人後仲要deung住話佢有鬚根;樓下阿生又話人個胸平所以無可能係女人;佢地係缺乏生物常識定係禮貌,定係揸住《chok》毛當令箭?

 

咁都叫cross-dress?唔好玩啦,neuter/androgynous都唔似啦

 

講完觀眾又講返個節目啦,玩法無聊無深度欠技巧而且單調,淨係叫男人扮好女性化嘅女人,叫女人扮好男性化嘅男人,試下來啲中性或妖野打扮擾亂視線又如何?唔講有幾個男人幾個女人又點?再講多次當然又係易容/演技唔到家,大家睇下Jo Calderone啱啱個VMA performance,真係望塵莫及。

 

仲未知道佢係邊個嘅真係唔好話俾人知

 

Wardrobe Malfunction

WITHIN THE SAME EPISODE, THINGS KEEP DROPPING.
I THOUGHT THOSE SLEEVES WORKED BACK THEN.

 

 


(Oscars image from Tumblr)

Two things

謝天華 EYE appreciation

楊怡 NOSE appreciation

btw i think this drama just shows at the very wrong time. will greenpeace/wwf/peta/spca etc be mad? re: bluefin tuna and all other fish that are going to be extinct because we eat too much sushi and sashimi

演員

唐文龍、馬國明、陳鍵鋒、謝天華未被TVB污染的年代,特別美好。不是人人都走Laughing運,即使紅也未必是好事:TVB這些年來怎樣「善用人才」?

 

– 胡杏兒初出道《流金歲月》一弱智角色茵茵得人喜愛,演得不太誇張同時令人注意到她的演技。可能因為生得面圓可愛,自《肥田囍事》逼她變肥之後,笑片鬧劇連連,《巴不得爸爸…》、《秋香怒点唐伯虎》…唉,冇眼睇,希特拉都話冇眼睇

– 一直喜歡楊怡,由《天子尋龍》慕容雪的溫文古典,到《賭場風雲》Mimi的野豔姣,到《溏心風暴之家好月圓》攞女的率真,她都演得很自然,變化豐富。可能因為《宮心計》深度遠不及《金枝慾孽》,相比之下金鈴反映不到楊怡的長處,現在的《鐵馬尋橋》又要她當傳統的可憐婦女,希望她的角色不會越來越差

– 吳卓羲經常做牛精粗魯角色,睇到眼火爆;想不到《突圍行動》轉做斯文的角色童日進都ok,《學警狙擊》見鍾立文對著Laughing死時哭的樣子突然覺得演技猛進,到《巴不得爸爸…》打回原形,不過現在《女王辦公室》靜靜怕事的阿K也不錯,證明角色安排和一個演員的多面發展很重要

– 郭晉安演的不是好人到蠢人就是真傻,一向叫我難受,直到《與敵同行》做殺人凶手令人刮目相看,原來他(終於)懂得演戲。後來的《古靈精探B》和《五味人生》回復阿旺方程式,救命

– 陳錦鴻由許文彪變成葛國光、田大貴、楚帆,相信大家都不好受

– 依稀記得張可頤在《地獄天使》很出色,《金枝慾孽》的安茜不容忽視,其他角色除呂四娘外不大記得,消失多年回來來個《老公萬歲》,TVB真的很喜歡搞「笑」嗎? 雖然《難兄難弟》一類也是喜劇,但那卻是經典,真的令人歡喜

– 不明白為何郭羨妮常被批評,她是少有帶氣質的演員,樣貌身材過人,亦同樣面臨被逼搞笑的危機;again,喜劇並無問題,但係你睇下個list,近期都是粗製濫造的現代劇,完全浪費她的氣質

– 黃宗澤是另一位帶氣質的演員,是《衝上雲霄》中我最喜歡的一位,他當時還未蓋過吳卓羲,五官相貌特別,記得他拍過的男士化妝品廣告,優雅得眉目如畫,可是慢慢越來越pop,角色又沒有新意。希望平庸劇不會演壞了他,他應該可以更好

 

雖然演員自己要有天份、要努力,可是演員也是可塑的,給他甚麼故事甚麼角色,他就成為甚麼。無線再是要求演員以畫公仔畫出腸式誇張式演低智劇本,將會把他們糟蹋。

《老公萬歲》萬歲

《老公萬歲》可能係無線近期包含最多有關性嘅題材嘅電視劇,對一向保守嘅節目題材黎講算係新嘗試,但係佢嘅故事同表達手法又係tvb比白痴更白痴的那套,真係唔知好事定壞事…

例:
– 劇中經常談及做愛,卻要以「交功課」表示
– 床上戲(苗僑偉演的程琛+張可頤演的高勵心)又是一貫捐入被後申手申腳的小學生遊戲
– 程義(謝天華演)的親熱戲相比起算比較正常和浪漫,而且有好多
– 竟然有因要驗生育能力而要自瀆入樽一情節,電視劇罕有
– 談及借肚生子(surrogacy),不過描述道德同心理影響方面好兒嬉

此劇奇人奇事特別多,當中絲襪狂(羅浩楷演)一角簡直一絕


(冇錯,睇《老公萬歲》嘅過程真係經過很多很多精神折磨)

大結局時尤嘉莉(曹敏莉演)嘅性取向更毫無交代咁起咗莫名其妙嘅變化,呢套劇實在太cutting-edge

Laughing哥好型啊!

仲有Facebook group添!

Laughing哥