Posts Tagged ‘ Kenneth Ma 馬國明 ’

馬面

我唔知你,我真係好唔ok馬國明呢個失敗慘樣;無論佢個角色有幾奸、有幾狠,佢都可以整個咁嘅樣出來,我真係接受唔到。上次《女拳》明明狼死惡住岳華,俾人用槍指住又即刻狗樣。即係呢,唔係話奸人唔會有以輸家相貌面對危機嘅時候,但係為咗角色同情節更可信、更一致,佢可唔可以唔好咁似俾成龍打敗嗰啲輸咗就要出洋相嘅鬼佬茄哩啡?《保持通話》劉燁就算俾古天樂威脅成點,驚極都唔會做個咁嘅反應啦。上圖呢幕,馬可以用狡猾而堅定嘅神情向陳展鵬挑釁,轉個頭即場因唐詩詠那邊愛情不得志而三角眼大鼻孔擘大個口得個窿?都唔知係劇情整古定係佢做唔到。《同撈同煲》仲諗住佢幾得意、幾新鮮,原來佢之後點都撇唔甩個傻仔樣,唔該唔好再扮極度有勇有謀有吸引力嘅人,好難頂;同埋係時候轉下髮型喇。

廣告

《紫禁驚雷》fail

Destined to fail.

 

劇還未播,但從宣傳片已可見這是甚麼一回事。人人鬧來鬧去鬥大聲,係近年鬧劇特徵 (《溏心風暴之家好月圓》、《鐵馬尋橋》、《宮心計》等等等等),以分貝營造好有「戲味」嘅感覺,有事無事情緒化,仲唔夠,仲要驚人feel唔到,動作大而且表情誇張,配合浮誇戲服化妝,總之要谷一個「大製作」嘅效果;好人受苦就喊住大嗌,奸人害人就大大聲講晒出來,唔洗有腦唔洗有謀,總之惡就得喇。

呢個時候重播《金枝慾孽》,係覺得《金》可以吸引觀眾繼續追看宮中你爭我鬥,定係有信心《紫》可以與《金》相提並論?只怕人比人比死人,更令人懷緬過去。現在看《金》,再沉醉此劇如何處理微妙而深刻的感情,唔係下下畫腸「我鍾意佢,佢又唔鍾意我」、「我而家就要jut死你,你去死啦」。單單看轉接廣告的幾秒片子(這些晚上除了劇本身最愛就是這些幾秒),鏡頭在幾角色間一晃,已有 美 感 地 暗示他們複雜的關係,藝術性極高,可惜搜不到當年的短版宣傳片(只搜到這版本),印象中很美亦有深度。

深度,現今難尋。

Vintage潮卡之「奸得有道理」











第一張


CLEAN

我唔明點解呢,佢嘔完紅油(饗電視睇真係同漆油一樣)之後塊面同件衫可以轉個頭無咩跡?

另外請見 TVB Land 的 ACRYLIC PAINT VS KETCHUP

仲有,可能我太腌尖…佢地肯整污糟黃宗澤其實已經ok,不過硬係覺得有啲唔妥,好似係響個好乾淨嘅人身上監硬加啲色,而唔係整體有真實感嘅污糟效果;睇睇LOST,其實角色好多都美化,不過血、汗、泥、疤都有質感,層次豐富;而家睇阿龍有兩層:一層Bosco,一層顏料,即係呢,佢可以容忍塊面成日有幾撻嘢響度,但係又永遠有剃鬚,個頭又永遠keep住個髮型,做咕喱又可以成身乾爭爭…

TVB I THOUGHT YOU HAD MORE THAN ONE HAIR STYLIST




MORE ABOUT HAIR:

A matter of hair

黃宗澤咁多年都同一個髮型


廣告

好辛苦呀

kenneth-amigo