謝霆鋒

《最佳男主角》中我最喜愛的訪問。

《最佳男主角》

《最佳男主角》廣告出時我第一主觀反應就係黎芷珊有咩本事主持呢個影帝節目,我咁諗唔係對佢有咩特別偏見,事實佢幾nice幾sweet,但人好同能力無關,從佢以往嘅portfolio﹑一貫主持作風,個性同技巧都唔足以帶一個尖銳同有啓發性嘅高質訪問俾觀衆,簡單講,就係内容唔豐富。

果然,結果又係一般粉絲見偶像式訪問(咁當然仰望程度不及萬千刷鞋王崔建邦先生),基本上任何一個《東張西望》主持可以做,而節目本身可以話係《東張西望》豪華版,俾嘉賓舒服啲講私人話題,但深入程度甚至連《今日VIP》都不如,又要包裝成有主見主題專訪。個節目連廣告得嗰半個鐘,每樣嘢講得幾句,幾句中仲要cap返一兩句出來重播做「預告」真係神乎其技,你快啲播埋佢講多兩句好過啦。

咁值唔值得睇?梗要睇啦幾位帝級而家幾可彩你個退步電視台,呢個陣容就算主持欠佳總有得着,只係欠火花欠智慧對談,比較單向教仔。劉青雲同劉德華一個好人一個假,唔敢話小妹妹,吳鎮宇勁啲有嗰句講嗰句(我覺得佢已經忍住唔寸芷珊咁多),今晚睇下黃秋生點對付個節目!

Blur邊

真係原圖

無綫美學之一:blur邊當淺景深

睇得無綫多都知道無綫電視劇係無運用景深呢回事,無論遠景近景中景特寫,由演員塊面至天邊一朵雲都一目了然;或者就算限咗景深,都一係對比唔夠大,一係畫面質素差,總之無效果無美感。除咗失敗的景深,無綫最常用「對焦」手法可謂無敵blur邊,苗僑偉同吳綺莉睇睇下個仔學校表演都可以忽然迷幻,徐子珊回想道友老豆更加有藉口blur個大邊俾佢。喂,景深深淺係好基本嘅攝影語言,你咁都唔用做咩電視台?以下右邊就係典型TVB製作(當然除咗景深仲有好多技術問題):


(圖片來自Corbin Patrick Bradley Smith

你唔好話專業,而家連自家Facebook相港女港男自以爲攝影師一輩連甜品嘢食都要近鏡對焦啦,無綫仲可以容許心口汁毛同背景所有無關痛癢嘅人物事大煞風景。講返三哥,場戯講佢同吳綺莉兩個嘅感情,你迷幻都係想話嗰個moment特別屬於佢地,咁你叫我睇後面幾個阿媽睇得咁清楚做咩先,要blur就blur埋佢地,睇下邊樣麻煩啲。

而家係咪好立體呢 :p

從封面看編輯/社會取向

Ellen DeGeneres的TIME封面(1997):顯示她為一個人,一個正常人,而且笑容滿面,bright & happy;「Yep, I’m Gay」如說普通事般乾脆簡單,這就是正面的coming out experience。

黃耀明的明周封面(2012):鏡頭仰視明哥但不是要將他神化,而是把他放大叫出「來看這個人!」異化同性戀者;照片質素欠佳,好揀唔揀揀張腫面病態包包打光相,仲要慘住中年危機遠望前景feel,整篇文章有經歷分享有爭取平等希望多過憂慮,主題卻要選「擔心」、出櫃卻要有「後遺症」?OKAY你想譁眾取寵,靚仔住擔心唔難掛,明哥來㗎。仲有就係排版,曾生個卡通想點,coming out係好莊重嘅事,有無尊重過人。

[ 性取向從來不是問題,所謂的「道德」取向才是問題所在。]

唔記得交叉埋呢個

個blog繼續休息。

點解我呢排無睇電視

無睇電視就無update(不過我有update Facebook㗎),詳細講都費事,來個快總結:

啱啱開,順便一次過喇:

我都好唔鍾意啲人未睇真套劇就俾評語,不過無綫啲劇睇宣傳片同演員製作班底都知咩事啦下馬,我已經忍住唔響度講粗口了。

呀仲有《結·分@謊情式》,當佢透明啦。

The SOLITON list

Check my song list on SOLITON!

好像在我耳旁 – 黎明 – 《三更》之《回家》
童年時 – 張國榮
哪兒 – 葉蘊儀
自由在我手 – 余安安 – 《靚妹仔》
禁色 – 達明一派
愛是 – LMF
垃圾 – 盧巧音
暗湧 – 王菲
詠嘆調 – 李君筠 – 《金枝慾孽》
藍色的詩 – 陳海恆 黄秋生 – 《新房客》