陳明恩

恭喜TVB成功成為國際電視台,有唔止一位洋人藝員,而且為女權出一分力,打破以往只有男洋人藝員的傳統,恭喜恭喜

Congrats TVB, you finally have more than one white actor — I mean, you finally have one white actress.

另見:無綫點滴

tvb western

廣告

TVB愛情觀

tvb love

無綫如何談戀愛?

「不分身份」或者最多,《名媛望族》出動全家上下說明咱們不用門當戶對,真的多謝你。

「不分外貌」同「不分年齡」唔係無,通常打返個父權底,一般男醜女靚﹑男老女少係有嘅,相反嘅話一係負面,一係配配角三秒故事。

「不分種族」響一個五隻手指數得嗮非華人藝員嘅電視台來講實在難度太高。

「不分性別」有心又好無意又好,出現多屬中傷,歧視偏見多得你唔少。

—————————————————————————————————————————-

(講到近期愛情片,《4 in Love》算係最多元化,嗰陣無響呢邊記低,Facebook有一圖半字)

《瘋狂歷史補習社》

tvb crazy history

先唔好講個節目有無抄人先,又先唔好講歷史真確性先,又唔好講係咪真係啟發到對中史嘅興趣先,又唔好講有無男性中心貶低女性先,咩都唔講,淨係講硬件製作,喂,又OK喎;服裝道具﹑動畫視效至演繹方法我都無嘢彈,爭就爭在難得瘋狂重用比喻手法,呢頭避過畫出腸,嗰頭鍾景輝又要做返條腸,解釋咩係誇張咩係借今諷古,真係好辛苦。不過講返製作,老實講一向台慶期出品嘅質素的確高過平時,呢個先係一般可接受水準,其實無綫人才唔少,努力再拉高啲啦唔係人地開台喇(極期待中),再唔努力連人才都留唔住就真係「仆你個街,無綫嚟嘅喂」。

等我講樣嘢你知啦鍾卓萬

最不喜愛的劉松仁角色

men and women

《走過烽火大地》

《走過烽火大地》畫面令人眼前一亮(以無綫水平來講),同類「自製」節目亦算少,本來應該一讚,但紀錄性質似乎麻麻,先略談幾點。

視覺處理:呢個節目嘅出色之處可能就係敗處,圖像處理花咗唔少心思,影像風格鮮明,但係刻意調色相偏黃﹑增強光暗對比,營造室内室外都係「烈日沙場」嘅感覺,只會令寫實減分,亦流失好多攝影機本來應該拍到嘅現實細節。呢種有預設嘅美學投射對正確呈現國家同民族其實唔係幾好,當然即使正統紀錄片都要通過主觀關口再客觀表達,呢方面太多微細爭論,既然《走過烽火大地》走主觀路線出來美術效果亦唔錯,呢點就勉強過關;雖然係咁,作為觀衆應該察覺節目響聲﹑影渲染局勢嘅可能性。

攝人:難得訪問當地居民,人地講嘢時搖來搖去樣都睇唔清,我知,係「拍攝技巧」丫嘛,的確同節目自由行、緊張、個人觀點呼應節奏統一,但係正正經經拍攝受訪者係基本尊重,亦可從佢地講嘢嘅表情﹑語氣睇到好多你唔洗再描述嘅細節;而家剪出來就係人地講嘢你就cut走成段飛俾Tony翻譯,將「聼電視」嘅傳統帶到電視劇以外,真係要聼我寧願配音(最好有麗音),起碼仲睇到影像,明明成大個人響旁邊,你就影住Tony講啲唔知有無改編嘅複述,所謂會面片段就只係作為你會過面嘅證明,真正「記錄外地」作用消失。「聼電視」唔係亂批,佢地見當地嘅香港/中國人就咁影住被訪者,最後一集個中國大叔突然變咗主角。走到中東,你淨係影人講中文?

主持:洪永城Tony黑黑實實,個樣又可愛又醒目,旅遊節目出身總好過求其掉個小生過去,但係外行始終外行,要講戰地slash政治呢門專得來唔太偏嘅題目,難免叫稍有研究嘅各方觀衆說聲膚淺。有人問叫專家主持真係會好啲咩,well,如果research班底唔專,主持專啲無人嫌多,只怕有(娛樂)演講經驗個樣又四正嘅專業人才(正所謂打得又睇得)實在無乜(機會),有學識嘅戲子又難求,唉呀,既然先天不足,咁我地都係將責任推俾團隊喇,對不?

節目定位:呢個節目最關鍵問題,可能就係定位。「走訪戰地」主題好難唔令人覺得呢個係紀錄片,當然直覺以最真實客觀角度批判;咁其實《走過烽火大地》係咩片呢,定只不過係一個吃喝玩樂嘅旅遊節目?但係宣傳同内容又一路標榜「危險」,偷拍到成個真人冒險秀;但係又要溫情採訪返返去紀錄之餘仲要加人性敘述來個《Tony的日記》;咁多嘢一碟,難怪有人夾起舊雞challenge佢無魚味。當然而家興新型節目,未必可以明確歸類,但係節目目的亦應清晰,講故仔亦要make sense掛。如果想主攻平民生活從中了解環境,以人性主導故事式結構,只要認真處理訪問片段深入多少,省去無謂「驚險」,專心做一個主題,呢個節目其實有潛力。

好啦,讚一讚啦,之前提到圖像處理包括啲map呀、graphics呀都做得幾好睇,攝影亦唔錯,同Tony一樣表面得體,係差在内容。講開呢排無綫啲美指又OK喎,《瘋狂歷史補習社》未開始不過睇預告篇好似好得 —— 嗱,雖然係講歷史,但係擺明玩嘢,咁咪叫做定位清晰囉。

原來唔係資訊,唔係新聞,連旅遊都唔係,戰地係「生活消閒」

肛交常識一二

各位屋企嘅小朋友唔好怪我響度講18+,呢個係神聖明光社蔡志森與一位偉大母親重視嘅話題,當然佢地不能代表任何人,但既然有人對肛交咁有性趣,又唔知唔解,就一齊上一課啦。

(唔知呢幾日發生咩事嘅朋友,唔怪你,因為主流新聞根本無打算俾你知,keywords係「同志」同「香港」,其他唔多講,至於肛交嘅話題係11月11日城市論壇引起,請自行了解)

其實好簡單,上Wikipedia或者google下,唔難正確理解多少,唔知就唔好扮知收下口,進修性史及研究人類性行為先出聲,鍾意睇AV學都得。略破誤解幾點:

1)肛交不限於男同性戀者之間
2)男同性戀不一定進行肛交
3)進行與否與性取向無關

基本上,technically speaking,顧名思義,你有anus就可以有anal sex,即係男女或其他性別皆可,至於對方或自己有無penis都唔係問題,呢樣好易解決,亦唔一定要買工具,自己諗。

唔似得啲人談論平權時講性經分散視線,我唔係要討論性姿勢,而係要搞清楚,既然肛交不限男男亦不限於同性戀,響討論性取向議題提出有咩意思有咩用意?又無意思又冒犯,仲話自己提倡有意義的愛和人生?假如你不讚成某種姿勢甚至認為應立法禁止,係咪所有人(包括異性戀者)做愛都要打開門做俾你睇?把口唔俾人談戀愛,個腦又成日諗人地點做愛,都唔知邊個變態啲。

 

事實我要強調,雖然要教導一下無知人類,但呢個話題實在扯得太遠,而家係講平權,係講一個人響社會嘅應有對待,唔係講佢響睡房點對愛人,仲未清楚咩?

 

Anyway, keep calm and have anal sex.

(Image from Tumblr)

子君與菲菲

唔好搞咁多嘢,完。