再chok多次

太耐無post,擺返啲舊嘢先。

 

我上幾個星期俾多次機會《變身男女Chok Chok Chok》再捱睇多次,嗰次多得台灣參加者,男扮女係像真咗,但個節目都真係好唔掂。(上一回:《變身男女Chok Chok Chok》易成咁有咩好估

 

娥姐講得好

 

今次講下觀眾同名星參賽者。咩事啫,下下問人有關身體生理或護理問題(去廁所呀、體毛呀、月經呀…),無錯,唔係嗰個性別或者答唔到,不過都有可能特登答錯引導你,既然真真假假是非難辨,星星們何不問多啲種類嘅問題俾返多少層次,唔好局限響幼稚(智)園至小學生初初學分男女要問嘅問題;既然節目由stereotypical男女開始,我地就由stereotypical男女著手,男女除咗用廁所同剝光豬時有分別,衣食住行品味言行態度總有分別掛,點解次次都仲係要問人地個胸啲腳毛同心口有幾粒痣?平時食咩嘢呀、睇咩書咩電影呀、有咩嗜好呀,點都有啲蛛絲馬跡掛;再進一步,即使stereotypical,stereotypical極都唔只一種stereotype掛,做咩成日assume女仔一定化妝、一定搽指甲油,係咁問一啲你地名星model每日嘅扮靚程序,好簡單問下佢地平時鍾意著邊類形衫、咩髮型、幾時點樣打扮一般打扮用幾耐又如何?而家淨係要估出biological sex,又係遊戲,大家膚膚淺淺無問題,唔需要有咩深度做咩深層心理分析(需要你都做唔到㗎啦),但係膚淺嘅問題都可以千變萬化,為何問極得幾幅被?

 

阿生,呢個世界唔係得周秀娜係女人

 

除咗問題質素欠佳,嘉賓同觀眾發問同俾評語未必顧及對方感受,以人地醜樣做唔係女人嘅理由,有無諗過你估錯嘅話對佢嘅打擊?雖然我鍾意Chilam,但係做咩知道人地係女人後仲要deung住話佢有鬚根;樓下阿生又話人個胸平所以無可能係女人;佢地係缺乏生物常識定係禮貌,定係揸住《chok》毛當令箭?

 

咁都叫cross-dress?唔好玩啦,neuter/androgynous都唔似啦

 

講完觀眾又講返個節目啦,玩法無聊無深度欠技巧而且單調,淨係叫男人扮好女性化嘅女人,叫女人扮好男性化嘅男人,試下來啲中性或妖野打扮擾亂視線又如何?唔講有幾個男人幾個女人又點?再講多次當然又係易容/演技唔到家,大家睇下Jo Calderone啱啱個VMA performance,真係望塵莫及。

 

仲未知道佢係邊個嘅真係唔好話俾人知

 

廣告
    • Dith
    • 九月 28th, 2011

    認同~~而且這個節目真的又是抄人橋~~日本已經做過很久了,連個轉參加人物出來的台都跟人一樣…又搏香港無人看過那些日本節目吧~不過那兩個節目的主持都好出名的~
    我只是覺得香港因為只有一個台,(雖然很快不是了!) 這台就是有持無恐,當觀眾白痴,成日抄人,不認,還打橫來說話.所以其實香港大部分明星藝人跟本不懂得做綜藝節目.因為我很愛看..所以日本, 韓國,台灣的都看,人家的綜藝節目好好笑,好好玩,idea好多款~我們香港這TBB就是執人口水味還打理宣傳///次次看到都好救命~~

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s