《星期日檔案》之《偷幫父權心》

啱啱播的《星期日檔案》實在太令人不安,以新聞節目為父權男講話、以公正聲調新聞女旁白講述最主觀自私的牛牢騷,天下第一third world莫過於此。以下片段,假如你不覺得有問題,或許你已是父權社會的一個成功產物(不論你是男是女)。

 

「所有男人鍾意一個似女人嘅女人」─ 咩叫似女人?呢啲講緊嘢嘅男人似唔似男人?似唔似人?

搖身搖勢陰聲細氣話「香港啲女人講嘢特別大聲」、「唔夠溫柔」─ 好似你咁夠未?

「當男朋友係奴隸」─ 又要人溫柔,又要人畀你蝦都仲要畀面你,又要充撐場面又要同你阿媽溝通處理家頭細務,仲要做你裝飾品,女朋友似乎連奴隸都不如?

「雄獅永遠個地位係高過雌性獅子」─ 獅咩子啊?講父權講到出晒面喇!仲唔嗌CUT?!

 

不過你要講獅子就同你講,知唔知捕獵工作通常由雌獅負責,雄獅淨係飯來張口?雄獅嘅工作就係由朝到晚保衛所謂嘅「尊嚴」,甚至無嘢食搞到成家餓死,餓死老婆瘟臭屋咪咁囉

 

致所有有父權傾向嘅男人:

如果你要一個女人玲瓏浮凸、身無分毛、鬼火咁靚、死都唔老、入得廚房出得廳堂懂得打扮但-你-會-嫌-佢-洗-太-多-錢-同-時-間-打-扮、溫柔體貼即-使-你-鬧-佢-都-要-笑、響你朋友面前扮蠢突-顯-你-醒、湊細路做家務你-就-可-以-睇-電-視、要原諒你嘅「逢場作戲」但佢就唔可以出牆;
請你六舊腹肌大隻好打、起碼六呎高、成世流血不流淚即-使-成-間-房-的-你-一-個、運動木工水電樣樣精、有錢有面、有可觀工作並可以咩起頭家養你老婆一世佢唔洗做打跛腳都唔洗憂、自-己-一-個-解-决-所-有你嘅問題同埋佢嘅問題、做你細路嘅模範典范好榜樣、有仔的話記得令佢做足以上種種 ── 到時,你可能明白咩叫父權(無expect過你會明咩叫FEMINISM)。


係咁㗎喇,你唔叻學咩人掌權鎹?唔夠睾丸素學咩人掌父權啊?

 

Youtube comment from ‎@czarbrina:

“最近有2 個女的好朋友因為分手都哭
分手的原因係男朋友話A 太依賴, 換個電燈泡都唔識, 太粘人了. 又唔獨立, 依後怕養一世.
BUT一個燈泡而已, 唔係呀???
點知道~~~過左幾日,我見到B哭得更慘, 我問點解, B話見A因燈泡事件分手, 甘咪自己換咯, 點知道個男朋友話B自己識換電燈泡, 太獨立, 令男朋友無處展示香港男人的存在價值, 由於男朋友不喜歡沒面子, 所以就分了.
由以上可見, 我會用蠟燭。"

 

更多社會暴力:

《變身男女Chok Chok Chok》FAIL

仔大仔世界

港鐵 心繫生活送你一程

Tempo紙巾的男人觀

ip MAN 《葉問》的大男人大中國主義

種族歧視條例的性別歧視主義

BB出世仔最好

廣告
  1. 六月 11th, 2011
  2. 八月 29th, 2011
  3. 一月 27th, 2012

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s