Posts Tagged ‘ Julian Cheung Chi-lam 張智霖 ’
太耐無post，擺返啲舊嘢先。 我上幾個星期俾多次機會《變身男女Chok Chok Chok》再捱睇多次，嗰次多得台灣參加者，男扮女係像真咗，但個節目都真係好唔掂。（上一回：《變身男女Chok Chok Chok》易成咁有咩好估） 今次講下觀眾同名星參賽者。咩事啫，下下問人有關身體生理或護理問題（去廁所呀、體毛呀、月經呀…），無錯，唔係嗰個性別或者答唔到，不過都有可能特登答錯引導你，既然真真假假是非難辨，星星們何不問多啲種類嘅問題俾返多少層次，唔好局限響幼稚（智）園至小學生初初學分男女要問嘅問題；既然節目由stereotypical男女開始，我地就由stereotypical男女著手，男女除咗用廁所同剝光豬時有分別，衣食住行品味言行態度總有分別掛，點解次次都仲係要問人地個胸啲腳毛同心口有幾粒痣？平時食咩嘢呀、睇咩書咩電影呀、有咩嗜好呀，點都有啲蛛絲馬跡掛；再進一步，即使stereotypical，stereotypical極都唔只一種stereotype掛，做咩成日assume女仔一定化妝、一定搽指甲油，係咁問一啲你地名星model每日嘅扮靚程序，好簡單問下佢地平時鍾意著邊類形衫、咩髮型、幾時點樣打扮一般打扮用幾耐又如何？而家淨係要估出biological sex，又係遊戲，大家膚膚淺淺無問題，唔需要有咩深度做咩深層心理分析（需要你都做唔到㗎啦），但係膚淺嘅問題都可以千變萬化，為何問極得幾幅被？ 除咗問題質素欠佳，嘉賓同觀眾發問同俾評語未必顧及對方感受，以人地醜樣做唔係女人嘅理由，有無諗過你估錯嘅話對佢嘅打擊？雖然我鍾意Chilam，但係做咩知道人地係女人後仲要deung住話佢有鬚根；樓下阿生又話人個胸平所以無可能係女人；佢地係缺乏生物常識定係禮貌，定係揸住《chok》毛當令箭？ 講完觀眾又講返個節目啦，玩法無聊無深度欠技巧而且單調，淨係叫男人扮好女性化嘅女人，叫女人扮好男性化嘅男人，試下來啲中性或妖野打扮擾亂視線又如何？唔講有幾個男人幾個女人又點？再講多次當然又係易容/演技唔到家，大家睇下Jo Calderone啱啱個VMA performance，真係望塵莫及。  [ READ MORE ]
魚躍在花見 The Rippling Blossom i quite like this show. i have to admit, i quite like this show. despite all clichés, the classic revenges in modern time, occasional prop flaws (that’re quite common TVB-wise), unexplainable natural phenomena such as out-of-nowhere fireflies that lead the way to your family and lover (which, i have to say [ READ MORE ]
third thing to the last post[ READ MORE ]
Join 5 other followers
SocialVibe