Archive for the ‘ Drama 電視劇 ’ Category
個blog繼續休息。[ READ MORE ]
無睇電視就無update（不過我有update Facebook㗎），詳細講都費事，來個快總結： 啱啱開，順便一次過喇： 我都好唔鍾意啲人未睇真套劇就俾評語，不過無綫啲劇睇宣傳片同演員製作班底都知咩事啦下馬，我已經忍住唔響度講粗口了。 呀仲有《結·分@謊情式》，當佢透明啦。[ READ MORE ]
Facebook event page 已開： 【強烈要求TVB出《天與地》soundtrack】 叫TVB出soundtrack就好似叫戴志偉搞rock fest咁 不過未試過又點知唔得呢 家下連mytv都罕有足本翻載，有希望呀 唔得咪當整個playlist俾自己囉 而家個page有唔少配樂link不過未齊 大家click「Join」同響個wall留言啦！[ READ MORE ]
幅圖咁紅擺返響呢度做生招牌先 I have to thank my friend again for sending me the original picture! 本身係好快一個貪玩惡搞，為免以後有咩誤會，講講事源：星期四我朋友響本blog嘅Facebook page分享咗一幅gummi bear廝殺相，我見熊仔數目同《天與地》角色數目相同而且含意吻合，就手到拿來加上「天與地」同TVB logo，點知一post百share，話咁快上千。見好多人話張圖好有創意，聲明一下，幅熊仔相唔係我影的，至於咁都俾我地遇到呢幅相，真係「如果命運能選擇」。呢度好多圖都係咁，響而家嘅網絡世界，唔洗次次講到咁明，你地都應該有本事明。 ✌ 二次創作萬歲 ✌ 講完正經事，大家繼續開心share啦~  [ READ MORE ]
大早講咗海豚唔係魚啦！ 其他人都算喇，胡諾言個角色係醫生來㗎，魚同哺乳動物有咩分別係好basic嘅biology，咁都搞錯仲要扮專家！ 「喂，你唔好侮辱啲海豚喎」 除咗編劇常識有限，好明顯台前幕後無人知道／肯講／肯改，不過好似金燕玲話齋，最終蠢俾人睇嗰個係演員，所以胡諾言係第一傻仔，周麗淇聽者有份。演員拍著呢啲團隊真慘。  [ READ MORE ]
用呢張圖summarise《萬凰之王》一啲都唔過份，製作成咁到底想點，啲妝同裝核突成咁想點，對白同身體語言又想點，明明係認真古裝宮廷劇點解搞到好似笑片，最最最想問就係最後宣萱坐個熱氣球到到底底想點點？成套嘢就好似劊子手心口汁毛，無心cult但係又kai到無人有/無朋友，keep住distract觀眾，你叫我地點睇？？  [ READ MORE ]
以下來一個meme玩下先！大家係唔係share Dr Dylan段嘢share得好開心呢，《天與地》犀利嘅對白何止嗰幾句呢，甚至應該話，嗰幾句已屬比較普通嘅交代，其他更勁！ TVBmademeopenthis嘅Facebook page啲links同comments share得如火如荼，快啲LIKE啦！ Join TVBmademeopenthis on Facebook  [ READ MORE ]
呢整幕都好笑又到肉，電視劇少有取笑男性外表而唔係女性，又逼男人正視自己嘅智商，最緊要係對白編得好加上演員出色，出返啖氣得來無港女自辯嘅感覺，very humorous & very critical。 之前講過，戚其義與周旭明出品（《金枝慾孽》、《火舞黃沙》、《珠光寶氣》、《飛女正傳》等）經常以女性為主，可以見到女性漂亮以外嘅高度智慧、氣節、個性，而外表嘅美又係非常有自信，充份對女性表現欣賞同尊重。《宮心計》啦、《萬凰之王》啦，係有好多女演員，係以女性「為主」，不過對刻劃女性形象一啲幫助都無，可視為一班OL踩辳爭仔戲。鬥要鬥得有智慧，愛要愛得有個性，無論男女，咁先有價值。  [ READ MORE ]
腦裏面好多篇未打，overload！呢兩日應該擺唔切，來個快post promotion：21號晚星期一一定要睇《天與地》！！！！！終於有劇集 值 得 追！！！！！ 點解咁期待？記唔記得《飛女正傳》？《金枝慾孽》記得喇掛？ （List from Wikipedia） 編導：陳耀全、陸天華、黃國強 演出：林保怡、陳豪、佘詩曼、黃德斌、邵美琪、金燕玲、湯盈盈、陳芷菁 主題曲：天與地 作曲：黃貫中 填詞：黃貫中 主唱：黃貫中 片尾曲：年少無知 作曲：黃貫中 填詞：林若寧 主唱：林保怡、陳豪、黃德斌 製作年份：2009年9月-2010年1月 製作統籌：周慕妍 監製：戚其義 編審：周旭明[ READ MORE ]
拿拿拿，啲細路全部都係仔嗰單嘢唔係我作㗎，有圖為證。「一索得男」？仔真係好好咩，成日生仔就恭喜，當啲女廢㗎？我鍾意睇岳華做戲，但係做咩成日安排埋啲咁嘅盟塞角色俾佢。 ● 一開始鍾國柱話唔介意如果自己個仔係gay，反而介意佢要做點心師父，但係睇佢之後種種觀念，I highly doubt 如果係真佢會唔介意 ● 食評家唔食好多嘢 ● 管個女做咩工、結識咩男仔，成家人總動員介入同意圖控制私人感情《真情》見得最多，亦係無綫最喜愛的劇情之一 ● 一次鍾國柱下體被女記者整傷但係啞忍，被問到若女性受性侵犯、佢又唔係以公義同正確新聞報導為理由叫個女仔公開指證？結果佢大條道理話呢啲係男人嘅尊嚴神聖不可侵犯咁款。本來呢類議題甚有討論價值，亦挑戰唔只男性、仲有新聞權力地位同公義且個人感受如何取平等等問題，但係最後得啖笑完，鍾國柱亦唔需要企出來講啲咩。 好就好在，呢個頑固老男結果軟化一點慢慢了解子女，新舊互相接合，不過如果佢對仔女無咁叻咁成功，佢又會出咩招呢？ 再講返啲仔先啦，父權主導係事實，你唔鍾意咁學術我地就講「男人主導」。同上面提到性侵犯例子一樣，類似話題係有出現響電視劇，但通常只扮有開闊討論空間而存在，或為詏而詏，最後女人必屈服於男人，pro-choice必屈服於pro-life，而家都唔係話邊一邊要贏返次，而係當中討論嘅方法啦，商議得有無深度啦，反唔反映到現實/現代啦… 無可否認愛情都可以好真實同有深度，但係次次迪士尼式個女人為咗個男人放棄事業結婚生仔& they live happily ever after好有意義咩？ 講開結婚生仔就講埋結婚生仔，成個大結局個個都結婚生仔，最後又係唔知點解無啦啦成班人跳住舞完，我肯定TVB識寫個「悶」字！ 今日要聞： 「歷史上，男性顯著多於女性的社會並不是生活的好地方。」 男女失衡加劇 助長「光棍社會」 人為選擇 扼殺1.6億女性[ READ MORE ]
Join 5 other followers
SocialVibe